Monday, November 29, 2021
Home > Women Nutrition > Rama sulmon sërish BE për vaksinën, i del në mbrojtje Basha: Mos guxo të akuzosh Brukselin, fajin e ke vetë

Rama sulmon sërish BE për vaksinën, i del në mbrojtje Basha: Mos guxo të akuzosh Brukselin, fajin e ke vetë

Gjatë fjalës së tij në Kuvend, kreu i qeverisë, Edi Rama sulmoi edhe njëherë Bashkimin Europian për çështjen e vaksinës antiCovid, një temë kjo që ka sjellë dhe reagimet e disa prej selive diplomatike të unionit në Tiranë.

Rama tha se BE nuk pa përtej vetvetes në këtë proces të rëndësishëm, në këtë moment të pandemisë, dhe i la vendet e Ballkanit vetëm në mundësinë e arritjes së marrëveshjeve dypalëshe me kompanitë që kanë krijuar vaksinën.

Besoj se e keni ndjekur deklarimin e OBSH që foli me shqetësim për katastrofën morale në nivel global për shkak të mosgarantimit të barazisë së aksesit në vaksinim. Kjo është një temë që për ne që jetojmë në mes të Evropës në një rajon që nuk janë pjesë e BE nuk është e panjohur.

Për fat të keq në konceptin e planifikimit të marrjes së aksesit në vaksinim përmes Pfizer, BE nuk pa përtej kufijve të vetvetes dhe e la fatin e vaksinimit të njerëzve në rajonin tonë në atë që u quajt për mundësi për marrëveshje bilaterale gjë që ka bërë që sot që përveç Shqipërisë dhe Serbisë, asnjë vend nuk ka nisur me vaksinimin” u shpreh Rama.

Kryeministri Rama gjithashtu shpjegoi dhe arsyet se përse marrëveshje me Pfizer ishte vetëm për 500 mijë doza, duke arsyetuar se aktualisht janë duke u zhvilluar dhe vaksina të tjera të cilat janë më të lira në çmim dhe transportohen më lehtë.

“Kemi dakordësuar me Pfizer për 500 mijë doza dhe në kontratën e nënshkruar pak më parë pas një negociate jo të lehtë, është marrë parasysh dhe nevoja potenciale e mëtejshme sepse qëllimi ynë ka qenë të sigurojmë fillimisht një sasi vaksinash për një pjesë të procesit të vaksinimit duke pasur parasysh raportin e sasisë me kalendarin e planit kombëtar të vaksinimit dhe duke mos harruar që ndërkohë janë një sërë vaksinash të tjera që presin me ditë aprovimin dhe AstraZeneca që është aprovuar në Britani dhe pret aprovimin në nivel europian, qoftë dhe vaksinat që janë në dalje e sipër.

Kjo duhet mbajtur parasysh sepse do të ishte e gabuar të kontraktonim të gjithë sasinë e vaksinave duke pasur parasysh dhe çmimin i cili është i panegociueshëm, por duke pasur parasysh dhe procesin e vaksinimit që është me dy doza dhe me elementë të tjerë sigurie, që në tërësinë e vetë kjo vaksinë ka shtrenjtësi në raport me të tjera.

I kemi lënë vetes hapësirë për të bërë zgjedhjet e duhura me potencialisht vaksina të tjera. Jemi në negociata qoftë në nivelin e komunikimit me kompanitë dhe me një sërë shtetesh të tjera, pasi gjithë procesi i shpërndarjes së vaksinës është shumë i ndërlikuar”, tha Rama.

Basha merr në mbrojtje BE-në

Pas akuzave të përsëritura të kryeministrit Edi Rama, BE-në e ka marrë sërish në mbrojtje Lulzim Basha.

Shqipëria ka numrin më të lartë të bizneseve të mbyllura në rajon, ka numrin më të lartë të qytetarëve që humbën vendin e punës, ka ndihmën më të vogël ekonomike që një qeveri ka dhënë për qytetarët e saj, ka hajdutërinë më të lartë në Europë ndërsa Tirja në krye të qeverisë si asnjë kryeministër tjetër vazhdon të sulmojë BE-në.

Për 8 vjet mashtrime, dështime, vjedhje, varfëri fajin nuk e ka BE-ja, fajin e ka Tirja i qeverisë që i vjedh shqiptarët dhe u mohon edhe bukën e fëmijëve. Edhe një herë Rama fajëson të tjerët për qeverinë më të keqe në historinë e Shqipërisë.

BE ka qenë dhe është pranë nesh në ditë të mira e të vështira. Mirënjohja e shqiptarëve nuk do të mungojë kurrë.

Pas 25 prillit ne do ta rikthejmë Shqipërinë në rrugën e duhur drejt destinacionit tonë të vetëm që është integrimi në BE”, shprehet Basha, që me sa duket nuk e kupton ky qendron debati, pasi Rama po e akuzon BE-në për çështjen e vaksinave, jo për këto që numëron ky, si dështime të Ramës.

Leave a Reply

Your email address will not be published. Required fields are marked *